Die „drey scheenschte Dääg“ in Basel sind für dieses Jahr wieder Vergangenheit. Baseldütsch und düttlig haben sich auch die Schnitzelbänggler dieses Jahr zu verschiedenen Themen des vergangenen Jahres geäussert. Darunter auch zu ehemaligen Musikern.

Erstmals in den erlauchten Kreis der Basler Schiitzelbank-Prominenz schaffte es Alt-Rocker und wohl auch bald Alt-Late Night-Talker Chris von Rohr mit gleich einer Hampfel Schnitzelbänken. music.ch dokumentiert die besten vier:

Dr Chris von Rohr het e bitz e Magge
är zaigt am Fäärnsee sini Fudibagge
mir zwai begriesse das Verhalte
si Fidle ka wenigschtens d'Schnuure halte
(Nachtschwärmer)

Dr Chris von Rohr - dä alti Rogger –
mit bedängglige Maniere,
sott under sim Kopftuech
emol frischi Luft lo zirkuliere.
Wo si Fidle im Färnseh kunnt,
rieft mi Schwiegermueter entusiastsisch:
«Scho yber fuffzig und no kai Fältli im Gsicht - da Typ isch fantastisch»!

Das "blägg änd blond", goot uns uf d Näärve.
Mit dääre von Rohr ? Rock Konsäärve,
scho sy Ussee isch e Frächhait, s isch doch woor.
Dä Maa het so ne wyeschti Fratze,
denn no das Diechli uf dr Glatze
und är behauptet das wo fiire lambbt sin Hoor.
Dr Unterschiid vom Von Rohr Chris,
zue dr Blagedde, s macht no Sinn,
wennd bi däm dr Schäädel ufklabbsch,
isch immerhyyn no ebbis dinn.
(d Gwäägi)

Wohär kunnt s Kopfduech bi däm
von Rohr - S het ys interessiert !
Won är e Buschi gsih isch,
syg das im Spital bassiert !
Si haigen ihn falsch gwigglet
und sy Gsicht verwäggslet no,
Schiins syg domols im Kreissaal scho
zem Muul nur Schyssdrägg uusekoo !
(Striggede)